ద్విపదభాగవతం - మధురకాండ : కంసుఁడు కొలువుకూట మందు శ్రీకృష్ణబలరాముల రాక నెదుఱు చూచుట
అంతఁ గంసుఁడు[ను] పూర్వాహ్నిక క్రియలు
సంతసంబునఁ దీర్చి సకల భూపతులుఁ
గొలిచియుండఁగ బెద్దకొలువుండి వేడ్క
బలరామకృష్ణుల బవరంబుఁ జూడఁ
దలఁచి పెంపెసలారు తమకంబు లందు
వలయువారును దాను వసియించె నంత
మరియును బహువిధ మంచియ లందు
వరులు సద్విజరాజ వైశ్యశూద్రులును
ప్రవిమలంబుగ నుండి, రంగమధ్యమున
వివిధపుష్పసుగంధవిధులు వాసించి - 110
పరగ నవ్వేళ గోపాలురుఁ దాను
నరుదెంచి నందుండు నా భోజపతికిఁ
బొడఁజూపి తమ తెచ్చు భూరివస్తువులు
కడఁకతో నిచ్చినఁ గరము మన్నించి
తన చేరువనె యొక్క తమకంబుమీఁద
నునిచి వారును దాను నొగిఁ జూచుచుండె
కరియూధ మేతెంచు గతి మల్లవర్గ
మరుదెంచ వందిబృందా రవం బెసఁగఁ